“Po hape gojën të vras mamanë”- Si vjehrra trafikoi për prostitucion nusen

Gjykata e Beratit ka dënuar me 17 vite burgim Dashuri Shkurtin e cila trafikoi për prostitucion nusen e djalit të saj.

“Ti do të vish në Itali dhe po hape gojën të shkosh në polici ne do të vrasim mamanë”, ka qenë ky kërcënimi që i është bërë të resë me iniciale M.S.

Kjo e fundit ka deklaruar se rreth muajit Shkurt të vitit 2018 ka qenë e papunë dhe e asistuar nga shërbimet sociale të qytetit të Beratit është njohur me të pandehurin E.M., njohje e cila pas pak kohësh është zyrtarizuar dhe në familjet e tyre.

Pas përfundimit të ceremonive përkatëse ajo ka shkuar të jetojë tek banesa e të fejuarit i cili përgjithësisht e trajtonte mirë, por shumë shpejt nisën dyshimet për sinqeritetin e të pandehurit kur gjatë një bisede në rrjetin social facebook, ajo ka zbuluar planin e thurur nga bashkëshorti i saj dhe nëna e tij për ta dërguar në Itali.

Gjatë hetimet Prokuroria arriti në përfundimin se ka të prova të mjaftueshme se e pandehura Dashuri Shkurti, në bashkëpunim me shtetasit me iniciale E.M. dhe F.D. ka transportuar në Italia nusen e djalit me qëllim shfrytëzimin për prostitucion.

Nga Berati është transportuar në Vlorë e më pas në shtetin Italian, nëpërmjet fshehjes duke e ndaluar të takohet dhe komunikojë me persona të tjerë dhe familjarët, duke e detyruar që t’i bindej çdo urdhri të Dashuri Shkurtit.

Kjo e fundit akuzohet për për veprën penale ‘Trafikimi i personave të rritur’.

LEXONI GJITHASHTU:

• Trafikoi “nusen” në Itali për prostitucion, dënohet me 17 vjet burg vjehrra në Berat
• Kthyen qendrën e masazheve në bazë prostitucioni, pranga menaxheres, në kërkim i riu