Qendrat e emigrantëve| Deputetët e PD italiane vizitë në Gjadër: Asgjë në 70 mijë m2

Deputetët e Partisë Demokratike të Italisë, Matteo Mauri, Simona Bonafè , Enzo Amendola dhe Matteo Orfini, kanë zhvilluar një vizitë në Shqipëri, në vendin ku do të ngrihen dy qendrat për emigrantë në Gjadër, pas marrëveshjes së kryeministrave Giorgia Meloni dhe Edi Rama.

Lajmin e kanë bërë të ditur mediat italiane, të cilat shkruajnë se vetëm disa buldozerë dhe nja dy kamionë e asgjë tjetër në zonën e Gjaderit, ku inxhinierët ushtarakë nuk kanë përfunduar ende punën e gërmimit, e cila është shumë e ndërlikuar duke qenë se terreni ka shumë vrazhdësi dhe se zona është plotësisht e lirë nga punimet urbanistike.

Janë për t’u kryer shumë punime, duke filluar që nga kanalizimet e deri tek energjia elektrike.

Sipas kalendarit të shpallur nga qeveria Meloni, qendrat duhet të ishin inauguruar tashmë të hënën më 20 maj, por siç parashikohet javët e fundit nga La Repubblica, dorëzimi i punimeve është planifikuar për në fund të vjeshtës dhe për rrjedhojë edhe projekti për kontraktimin e emigrantëve. Kërkesat për azil që vijnë nga vende të sigurta, për të cilat Meloni është mjaft krenare që propozon veten si një pionier për Evropën, sigurisht që nuk do të mund të largohen këtë verë. Dhe kjo pavarësisht se prefektura e Romës i ka dhënë tashmë kontratën për menaxhimin e shërbimeve, duke filluar nga data 20 maj, Medihospes.

“Përpjekja e Melonit për të pasur një reklamë elektorale për emigrantët për zgjedhjet evropiane dështoi keq. Jemi përballë më shumë se 70 mijë metra katrorë hiç. Punimet mezi kanë nisur, pavarësisht njoftimeve të Qeverisë që kishte caktuar datën e hapjes së qendrës më 20 maj 2024”, deklarojnë deputetët e PD-së, në terren për të kontrolluar ecurinë e marrëveshjes.

“E vetmja gjë që lëviz është kutia e kostos. Tani kemi shkuar nga 653 milionë euro si shumë fillestare në mbi 800 milionë. Dhe burimet e nevojshme vazhdojnë të rriten, siç e kishim raportuar tashmë në nënshkrimin e marrëveshjes. Është e qartë se jemi përballë një përpjekjeje qesharake për të paguar një reklamë elektorale për zgjedhjet evropiane. Modeli i zakonshëm i një qeverie që përpiqet të fshehë dështimet e saj të dukshme me propagandë. I kërkojmë kryeministres Meloni të heqë dorë nga ky projekt dhe të zhvendosë burimet drejt fuqizimit të burimeve që do t’i akordohen sistemit kombëtar shëndetësor”, thuhet në deklaratë.

LEXONI GJITHASHTU:

• Mbyllet mes tensioneve seanca plenare, votohet marrëveshja me Italinë për emigrantët
• Marrëveshja Shqipëri-Itali për emigrantët, Logu: GJK t’i drejtohet Strasburgut