Sainz merr kohë për skuadrën e re

Carlos Sainz ka shuar çdo zë për bisedime të avancuara për vitin 2025 duke theksuar se për kontratën e re do të mendojë dhe vendosë me kujdes. Në një moment që Fernando Alonso dhe Alex Albon zgjodhën të qëndrojnë me skuadrat përkatëse ndërsa Nico Hulkenberg do të shkojë te Sauber nga Haas, të gjithë presin se kë skuadër do të zgjedhë Sainz që garon në të fundit sezon për Ferrarin.

29 vjeçari e pranon se pilotët varen nga njëri-tjetri pasi Formula 1 është një rreth i mbyllur, por thotë se nuk ka një afat për të zgjedhur skuadrën. Duke qënë se kontrata e re është shumë e rëndësishme, lidhur edhe me moshën e tij, spanjolli po merr tërë kohën e nevojshme përpara zyrtarizimit të makinës së ardhshme.

Sainz nuk është i trembur se mund ti shpëtojë ndonjë mundësi dhe për median thotë se ata kanë vetëm zërat e shumtë por në asnjë rast të vërtetën. Aktualisht ka shumë vende bosh për sezonin e ri pasi vetëm Ferrari dhe McLaren i kanë pilotët e tyre për vitin 2025 dhe më tej.

LEXONI GJITHASHTU:

• Formula 1 starton sezonin evropian
• Mercedes fiton më shumë se kushdo në Formula 1