Molotovi para Bashkisë, Lëvizja e Gazetarëve: Kambanë alarmi, fati shpëtoi kolegët

Lëvizja e gazetarëve ka reaguar për hedhjen e molotovit pranë Bashkisë së Tiranës gjatë protestës së sotme, e cila rrezikoi operatorin e Euronews Albania, Enea Murzaku, i cili ndodhej aty pranë.

Përmes një njoftimi, Lëvizja e Gazetarëve dënon me forcë këtë akt dhe thotë se cënimi i sigurisë në punë të stafit të mediave është një kambanë alarmi.

Po ashtu, Lëvizja e Gazetarëve thotë se ajo që ndodhi ditën e sotme është një apel për politikën, shoqërinë e median në vendin tonë.

Njoftimi:

✅️Lëvizja e Gazetarëve

⛔️Dënon me forcë këtë akt të rëndë të rrezikimit të jetës së Operatorëve të Terrrenit përgjatë mbulimit të protestës këtë të martë.

✅️Lëvizja e Gazetarëve, ndjek, mbulon, pasqyron, raporton dhe përkrah duke u solidarizuar me çdo protestë, përtej ngjyrimeve politike apo qëllimit të saj.

⛔️Por nga ana tjetër, ky cënim i sigurisë në punë ndaj stafit të mediave, ndaj operatorëve, teknikëve apo gazetarëve është një kambanë alarmi,

Sepse:

✅️Mbrojtia e punonjësve të mediave nuk mund të jetë qëllim i një OJF për projekte.

✅️Ajo ç’ka mungon është:

✅️Statusi Social Ekonomik

✅️Siguria në Punë, në terren, siguracioni i jetës për çdo gazetarë, operator, reporter, e fotoreporter.

❗️Fati shpëtoi kolegët e terrenit sot, në rast se sdo kish vrapuar Operatori i Terrenit i Euroneës Albania #EneaMurzaku do kish pësuar lëndime të rënda! Po Fati e shpëtoi sot, nesër ndoshta do të jetë vonë!

❗️Kjo pamje është një apel për Politikën, Shoqërinë, Median, e të gjithë ne. Pas 3 dekadash statusi është mbrojtja e munguar.

✅️Statusi Social Ekonomik lidhet vetëm me kushtet e punës, sigurinë ekonomike dhe juridike nga çdo rrezik qoftë edhe afatgjatë apo me pasoja të parikuperueshme për jetën dhe shëndetin e secilit nga ne në terren.

LEXONI GJITHASHTU:

• Molotov drejt bashkisë Tiranë, ndalohet protestuesi, procedohen 3 të tjerë
• Mbahet protesta e 8-të përballë bashkisë Tiranë, hidhet molotov drejt godinës