Rithemelimi kundër komisionit të posaçëm antikorrupsion, Bardhi: Nuk e votojmë

Kreu i grupit parlamentar Gazment Bardhi tha se grupi parlamentar nuk do të votojë për komisionin e posaçëm antikorrupsion që pritet të jetë në rendin e ditës gjatë seancës të së enjtes në Kuvendin e Shqipërisë, pasi opozitës nuk i është dhënë asnjë informacion lidhur me të.

Në një deklaratë për mediat pas mbledhjes së grupit parlamentar të PD, Bardhi theksoi se nuk ka pasur asnjë komunikim me mazhorancën lidhur me mënyrën si do funksionojë ky komision.

“Ne s’e dimë çfarë objekti ka ky komision, është vetëm në kokën e Ramës. Gjatë kohës që ne ishim në mbledhje, kryetarja e kuvendit kërkonte mbledhje me kreun e grupit dhe kryetarët dhe zv.kryetarët që përfaqësojnë opozitën. Një institucion serioz nuk mund të fusë në rend dite një komision që do duhet të jetë gjithëpërfshirës pa u konsultuar me opozitën. Kanë dalë zbuluar me talljen që po bëjnë me këtë çështje. Ne do t’i përkushtohemi luftës ndaj korrupsionit dhe shtetit ligjor. Nëse Rama ka vullnet për të luftuar korrupsionin, ta nisim me luftën ndaj korrupsionit zgjedhor. Pa zgjedhje të lira dhe të ndershme nuk mund të ketë luftë ndaj korrupsionit… S’ka pasur asnjë konsultim, kanë bërë çdo gjë fakt të kryer.

Nuk e mbështesim me votë ngritjen e këtij komisioni”, tha veç të tjerash Bardhi.

LEXONI GJITHASHTU:

• Denoncimi për Xibrakën, Gazment Bardhi paraqitet në SPAK
• PS kërkon komision antikorrupsion, Basha: Dakord me SHBA, por…