Kënga polifonike tek të rinjtë, mbahet edicioni i 8 në Gjirokastër

Kënga polifonike vlerë e UNESCO-s trashëgohet në breza në qytetin e Gjirokastrës duke u përcjellë edhe tek fëmijët dhe të rinjtë. Në aktivitetet kulturore që po zhvillohen spikat dëshira për të evidentuar këngët dhe vallet popullore nga brezi i ri.

 “Ky është edicioni i 8-të që vazhdojmë me fëmijët dhe është një kënaqësi e madhe që të punosh me fëmijët, unë e kam nisur këtë aktivitet nëpër të gjitha shkollat në rang Qarku dhe kam të gjitha moshat që nga klasat e para, të dyta e deri klasat e 9-ta, jam duke punuar dhe jam shumë krenar për këtë punë që po bëj”,-tha Roland Çenko, Mjeshtër i Madh

Për mbartësit e folklorit të transmetosh vlerat e këngës polifonikë tek të rinjtë është një emocion i veçantë.

 “Ndjejmë emocion sepse kjo punë na mban gjallë dhe jam shumë i kënaqur me brezin e ri që e duan shumë isopolifoninë dhe kjo na nxit të gjithëve, jam shumë i kënaqur”,-tha Roland Çenko, Mjeshtër i Madh

Fëmijët dhe të rinjtë pjesëmmarës në aktivitet folkolorike përjetojnë mbresa të veçanta ndërsa përcjellin trashëgiminë familjare si dhe traditata e vyera të qyteti të gurtë për këngën polifonike dhe vallet popullore

 “Po është mirë të këndosh se është një talent që unë e kam të trashëguar nga gjyshi,ai këndonte me më të mëdhenjtë dhe unë i thoja kur isha i vogël kam qenë 5-vjeç dhe i kërkoja si këndohej”,-u shpreh djali.

 “Mua më pëlqen shumë kënga popullore dhe pse jo mos ta vazhdojmë kulturën e Gjirokastrës dhe ta risjellim përsëri në jetë”,-tha djali.

Në aktivitetet që zhvillohen në rang Qarku mundësohet zbulimi i talenteve të reja në fushën e këngës dhe valleve karakteristike. Nga këto eksperienca evidentohen talentet e reja të cilët mbajnë gjallë traditën dhe foklorin.

LEXONI GJITHASHTU:

• Folk On në Sarandë, koncerti bën bashkë këngët polifonike dhe vallet e zonave jugore
• Festivali Folklorik Ndërkombëtar, fokusi koreografia dhe kostumografia e 6 shteteve