Dita botërore e fëmijëve, aktivitetet dhe rrugët që bllokohen në Tiranë

Dita Ndërkombëtare e Fëmijëve është kthyer jo vetëm në një ditë festive, por edhe në një ditë për ti thënë jo dhunës dhe abuzimit ndaj fëmijëve. Është dita kur vetë fëmijët shprehen lirshëm për të thëne të drejtat e tyre. Në Shqipëri, Kosovë dhe mbarë botën, kjo ditë u kushtohet fëmijëve, me organizime dhe aktivitete.

Festës së fëmijëve i dedikohen edhe më shumë hapësira të lira pa makina në kryeqytet në mënyrë që ata të festojnë. Qarkullimi i automjeteve do të kufizohet nga ora 06: 00 deri në orën 17:00 në disa nga segmentet kryesore në kryeqytet, ndërsa është hartuar një plan i lëvizjes për mjetet e emergjencës dhe atyre të Policisë së Shtetit. Do të ketë kufizim të qarkullimit të automjeteve në Bulevardin “Dëshmorët e Kombit”, duke filluar nga Ministria e Brendshme deri në fillim të “Ish- Hotel Dajti. Bulevardi ‘Dëshmorët e Kombit”, duke filluar nga Ura e “Ish Hotel Dajtit” deri në kryqëzimin me rrugën “Ismail Qemali”.

Ndërkohë që gjatë ditës së sotme ka devijim edhe të disa linjave të autobusëve urban në kryeqytet.

LEXONI GJITHASHTU:

• Ministrja e Shtetit për Rininë dhe Fëmijët feston 1 Qershorin në Librazhd
• 37 milion fëmijë duhanpirës, OBSH: Industritë po i joshin me produktet e reja