Mbi 13 mijë gjoba në një javë, 18 shoferë të arrestuar dhe proceduar

Gjatë një jave në Tiranë janë arrestuar dhe proceduar në gjendje të lirë 18 drejtues automjetesh.

Shkak i këtyre masave është bërë mosrespektimi i rregullave të qarkullimit rrugor, përkatësisht:

6 persona për drejtim mjeti nën ndikimin e alkoolit, 2 persona për pa leje drejtimi, 7 persona për shkelje të rregullave të qarkullimit, 2 persona u proceduan për korrupsion aktiv dhe 1 person për drejtim mjeti nën ndikim e lëndëve narkotike.

Rreth 13 mijë masa administrative janë vendosur për xhama të zinj, shpejtësi mbi normat e lejuara, përdorim celulari gjatë drejtimit, mos vendosje e rripit të sigurimit dhe qëndrim të gabuar.

Gjithashtu gjatë kësaj jave ka pasur pezullime të lejeve të drejtimit dhe bllokime të automjeteve.

9 raste pezullimi kanë ardhur për shkak të drejtimit nën ndikimin e alkoolit dhe 45 raste për tejkalim shpejtësie.

14 mjete janë bllokuar, 1 prej tyre me targa të huaja.

Policia Rrugore vijon t’iu bëj apel drejtuesve të mjeteve që të respektojnë rregullat për një udhëtim të sigurt.

LEXONI GJITHASHTU:

• “Tu hiqet patenta drejtuesve kamikaz”, Hasho: Nuk ndërgjegjësohen me gjoba
• 16 të arrestuar dhe mbi 12 mijë gjoba nga Policia Rrugore në një javë