Eksperti i sigurisë rrugore Fatmir Hasho tha në “Good Morning Albanians” se drejtuesit e rrezikshëm të makinave duhet të hiqen urgjentisht nga rruga. Ai tha se atyre nuk u duhen vënë gjoba, por u duhet hequr leja e drejtimit.
“Gjoba nuk të kthen mendjen për të mos bërë gabime. Urgjentisht ministria e brendshme bashkë me drejtorinë e përgjithshme të policisë, duhet ta heqë atë udhëzim. Nuk mbushet arka e shtetit me gjoba.
Duhen pakësuar drejtuesit kamikazë në rrugë, duke u hequr lejen e drejtimit. Këtë e kam bindje dhe do e them sa herë të kem mundësi. Nëse nuk do kishim shkuar drejt kësaj gjëje, kushedi se sa patenta do ishin hequr. Mbase do ishin hequr diku te 1000 patenta nëse nuk do ishte ky ligji që duhet ta paguash dyfish gjobën”,-tha Hasho.
LEXONI GJITHASHTU:
- Dy aksidente në 24 orë në Elbasan, tre persona të plagosur
- Kush janë liderë evropianë që kanë vdekur në një aksident ajror?
