Hamasi: Të paktën 27 të vrarë nga sulmi izraelit në një shkollë në Gazë

Të paktën 27 persona u vranë në një sulm izraelit ndaj një shkolle që strehonte persona të zhvendosur në Nuseirat në Rripin e Gazës, njoftoi sot zyra e medias e qeverisë së Hamasit.

Ushtria izraelite nga ana tjetër pretendon se ka marrë masa për të siguruar që asnjë civil të mos jetë vrarë në sulmi dhe se objektivi ishte një bastion terrorist” në shkollë.

Deri më tani, nuk ka asnjë konfirmim nga Ministria e Shëndetësisë palestineze për sulmin, në të cilin u plagosën disa dhjetëra persona, raporton Reuters, duke theksuar se ai nuk mund të verifikonte më tej informacionin.

Zyra mediatike e Hamasit tha se të paktën 27 persona u vranë dhe akuzoi Izraelin për kryerjen e një “masakre të tmerrshme”.

Ambulancat dhe ekipet e shpëtimit kanë dërguar të plagosurit dhe të vdekurit në një spital aty pranë.

Pamjet në mediat sociale treguan klasa të shkatërruara dhe trupa të vdekur të mbështjellë me qefin në një morg.

“Mjaft luftë! Ne jemi zhvendosur dhjetëra herë. Ata na vranë fëmijët ndërsa flinin”, bërtiti një grua e plagosur në sulm në një video.

LEXONI GJITHASHTU:

• Krizë urie në Gaza, furnizimi me ushqime, ujë e medikamente ende i bllokuar
• Të paktën 12 të vrarë nga sulmet izraelite në Gaza