Programi i PD, Bakiu: Ndihmë për gratë e dhunuara

Deputetja e Partisë Demokreatike, Merita Bakiu, e ftuar në Euronews Albania tha se në programin e PD një vëmendje e rëndësishme do ti kushtojë grave të dhunuara. Ajo shtoi se një nga planet është dyfishimi i ndihmës ekonomike.

“Sapo të vijmë në qeveri vëmendja është te gratë që janë viktima të dhunës dhe trafikimit. Për këto gra ne kemi shumë projekte, por të mos harrojmë që në programin tonë është dyfishimi i ndihmës ekonomike për gratë që janë viktima të dhunës, për të gjithë fëmijët e këtyre nënave do shkollohen falas”, tha deputetja e PD.

Ajo tha se në programin e Partisë Demokratike do ti sigurohet një shtëpi për gratë e dhunuara.

“Në programin e PD është e qarë, do t’i bëhet pagesa e shtëpisë të gjithëve këtyre grave që kanë marrë mbrojtje nga gjykata dhe do ti bëjë këto gramë të forta”, tha ajo.