“Qëndrim jo pozitiv i Borrell”, Donika Gërvalla: Masat ndaj Kosovës duhet të hiqen

Ministrja e Jashtme e Kosovës, Donika Gërvalla, deklaron Kosova ka përmbushur të gjitha kërkesat e Bashkimit Evropian për deeskalim të situatës në veri.

Ajo ka thënë se masat e BE-së ndaj Kosovës duhet të hiqen, porse nuk është shumë optimiste për shkak të qëndrimeve të BE.

“Shpresoj se më në fund e bëjnë hapin e duhur para se të zëvendësohen këto institucione nga të tjerat që dalin nga vota që presim së shpejti. Mirëpo, me ato që kemi parë deri tani, si ka qenë trajtimi i padrejtë i Kosovës në raport me shkeljet e Serbisë në procese, nuk është se kam pritje të mëdha…Joparimor ka qenë qëndrimi i Borrellit në përgjithësi ndaj temave mes Kosovës dhe Serbisë dhe nuk është se kam pritje të larta në hapat e fundit që mund dhe duhet të ndërmerren. Ato masa kanë qenë objekt i një negocimi të zëvendëskryeministrit, Besnik Bislimi me emisarin Miroslav Lajçakun në Bratislav…Jo vetëm që janë përmbushur ato pesë pika për të cilat janë kuptuar, por janë mbi përmbushur shumëfish, prandaj nuk e di çfarë të them”, ka thënë Gërvalla për “KosovaPress”.

LEXONI GJITHASHTU:

• Hovenier: Kosova mund të përparojë vetëm duke dëgjuar shqetësimet e SHBA-së
• Kosova hedh poshtë kritikat e QUINT-it dhe BE-së për shpronësimin e tokave në veri