Ndryshime në listën e Gjermanisë, probleme shëndetësore për talentin 20-vjeçar

Emre Can është risia e orëve të fundit e kombëtares gjermane në prag të kampionatit evropian, me mesfushorin që do t’i bashkohet panzerave. Një shqetësim shëndetësor i Pavlovic ka bërë që talenti bavarez të braktisë grumbullimin, duke lënë vendin bosh, e në këtë pikë, Nagelsmann vendosi për zëvendësuesin e tij. 20-vjeçari ka shfaqur një shqetësim në bajame, ndërsa stafi mjekësor konfirmoi se lojtari nuk është në 100% e tij, e për këtë arsye koha e rikuperimit është më e gjatë nga ajo në dispozicion.

Pas konsultimit me zëvendësin e tij Wagner, Nagelsmann nuk humbi kohë duke thirrur mesfushorin me shumë eksperiencë Emre Can. Sezoni i tij i fundit me verdhezinjtë ishte fantastic, ndërsa mungesa në listën e të grumbulluarve u pa me habi nga tifozët gjermanë. Tanimë synimi u arrit dhe Can do të jetë krahas shokëve të tij, me Gjermaninë që Lufton për fitimin e Euro 2024, ndërsa është vendi pritës i këtij eventi.

Kujtojmë se 1 ditë më parë, u regjistruan përplasje verbale mes dy futbollsitëve Fullkurg dhe Rudiger, të cilat për pak sa nuk degjeneruan në atë fizike.

LEXONI GJITHASHTU:

• Gjermania “e pushtuar” nga ngjyrat kuq e zi, Baku: Do ketë organizime në çdo qytet
• Gjermania rrit masat e sigurisë për Kampionatin Evropian të Futbollit