Gjermania “e pushtuar” nga ngjyrat kuq e zi, Baku: Do ketë organizime në çdo qytet

Gazetari Ervin Baku ishte këtë të shtunë i ftuar në “Review” në Euronews Albania për të folur për ngjarjen që po emocionin të gjithë tifozerinë shqiptare. Kombëtarja Shqiptare do të shkojë pas pak ditësh në Kampionatin Europian të Futbollit që do të zhvillohet në Gjermani.

Duke komentuar këngën që do të shoqërojë Kombëtaren në këtë rrugëtim të Euro 2024, Baku tha se edhe pse personalisht do preferonte përfshirjen e Çamërisë në të, kjo këngë ka për të mbushur të gjithë sheshet e Gjermanisë.

“Ka 10 ditë që e dëgjojmë. Unë do preferoja Shqipëri jo Albani dhe do preferoja përfshirjen e ÇamërisË. Por patjetër kjo këngë do të shoqërojë të gjithë shqiptarët që do mbushin të gjithë sheshet në qytetet kryesore të Gjermanisë, se nuk ka mundësi që të shkojnë të gjithë në stadiume, se janë rreth 600-700 mijë shqiptarë në Gjermani, kështu që ata që s’do vinë dot në Dortmund, Hamburg, do ketë patjetër organizime në të gjitha qytetet qendrore të Gjermanisë për të parë ndeshjen”,-tha Baku.

LEXONI GJITHASHTU:

• Gjermania “e pushtuar” nga ngjyrat kuq e zi, Baku: Do ketë organizime në çdo qytet
• Drejt “Euro 2024”: Vodafone Albania sërish Sponsor Gjeneral i Kombëtares