VIDEO|Plas grushti mes deputetëve në Parlamentin italian, çfarë e tensionoi situatën

Një situatë e pazakontë ka ndodhur ditën e djeshme në Parlamentin italian, ku disa deputetë u përleshën me grushta me njëri-tjetrin.

Sipas mediave të huaja, dhuna plasi gjatë diskutimit të një projektligji për autonomi të diferencuar ku deputeti i Lëvizjes “5 Yjet”, Leonardo Donno, po përpiqej t’i jepte një flamur trengjyrësh (flamuri italian) ministrit Calderoli, në shenjë proteste.

Sigurimi i Parlamentit ndërhyri duke ndaluar Donno-n, ndërsa ky i fundit u godit dhe u rrëzua përtokë nga deputetët kundërshtarë.

Më pas ai u largua nga salla e Parlamentit. Sipas asaj që u raportua nga Marco Grimaldi i Avs, ishte një anëtar i Lega Nord ai që goditi Donnon gjatë incidentit.

Menjëherë pas përplasjes është thirrur konferenca e kryetarëve të grupeve të Parlamentit italian, për të marrë vendimet e mëtejshme.

Por para sherrit, fillimisht kishte një protestë nga opozita kundër reformës së autonomisë së diferencuar. Në sallë u vendosën flamujt e Italisë dhe u këndua himni kombëtar, ndërsa disa deputetë pushtuan karriget e ministrave duke thirrur “turp”, sipas asaj që raporton Ansa.

Seanca u ndërpre menjëherë. Pak para se të dilnin nga dhoma, disa deputetë brohoritën “Bella ciao”.

https://rumble.com/v518hiw-sherr-i-dhunshm-n-parlamentin-italian-deputett-grushtohen-pas-diskutimit-n-.html

LEXONI GJITHASHTU:

• Gjendet në ujërat e lumit Lana një person, ndërron jetë në spital
• I kërkuar në Itali për trafik kokaine, konfiskohen pasuritë e Eldi Dizdarit