Provimi me zgjedhje, 28 mijë maturantë testojnë njohuritë

28 mijë maturantë në të gjithë vendin i janë nënshtruar këtë të hënë testimit të fundit, atij të lëndëve me zgjedhje. Të shpërndarë në 144 qendra testimi, për 2 orë e 30 minuta ata kanë testuar njohuritë në lëndët që kanë përzgjedhur përgjatë viteve të studimit.

Ata janë njohur edhe me rezultatet e gjuhës shqipe dhe letërsisë. Bazuar në të dhënat e publikuara, në të gjithë vendin vetëm 31 maturantë kanë marrë notën 10, ndërsa 309 rezultojnë mbetës. Nota mesatare në provimin e gjuhës shqipe është 7,25.  Arritjet në këtë testim janë më të ulta se në lëndën e gjuhës së huaj.

LEXO GJITHASHTU:

• Matura Shtetërore, shpallen rezultatet e Gjuhës shqipe dhe Letërsisë
• “Nxënësit nuk shkruajnë shqip”, rezultatet e Maturës Shtetërore: më pak nota 10