Stuhi breshëri shkakton dëme të mëdha në Voskop dhe fshatrat përreth

Një stuhi breshëri ka goditur fshatrat e njësisë administrative Voskop të bashkisë së Korçës, duke shkaktuar dëme të mëdha në kulturat bujqësore. Intensiteti më i madh i reshjeve ka qenë në fshatin Voskop, ku banorët raportojnë dëme të konsiderueshme në mollë, kumbull, domate, speca, patate dhe fasule.

Dëme janë raportuar edhe në fshatrat e Gjonomadhit, Lavdarit dhe Goskovës.

Një ditë më parë, reshjet e shiut dhe breshërit kanë shkaktuar dëme të mëdha në kulturat bujqësore dhe vreshtari në disa fshatra të bashkisë së Kolonjës.

LEXO GJITHASHTU:

• Përkeqësohet moti, reshje të dendura shiu dhe breshëri në Elbasan
• Reshje shiu dhe breshëri në dy fshatra në Leskovik, pritet mot i paqëndrueshëm