Akuzohet për spiunazh, në Rusi do të nisë gjyqi ndaj gazetarit amerikan

Për gati 15 muaj, gazetari i Wall Street Journal (WSJ), Evan Gershkovich ka qenë i mbyllur në një burg në Moskë.

Sipas mediave të huaja, ai është duke u gjykuar një mijë milje larg kryeqytetit rus, në qytetin e Yekaterinburg. Atje ai u arrestua ndërsa ishte në një udhëtim raportimi.

Prokurorët thonë se zoti Gershkovich po mblidhte informacione të klasifikuara për një prodhues rus tankesh pranë Yekaterinburgut në emër të Agjencisë Qendrore të Inteligjencës Amerikane (CIA).

Ai, punëdhënësi i tij dhe qeveria amerikane hedhin poshtë me ashpërsi akuzën për spiunazh. Nëse shpallet fajtor, Gershkovich mund të përballet me 20 vjet burg.

“Ky është një proces fals. Është e egër dhe e çuditshme,” u shpreh Deborah Ball, zëvendës shefe e mbulimit botëror për Evropën, Lindjen e Mesme dhe Afrikën në WSJ.

“[Evan] nuk do të gëzojë asnjë nga proceset e rregullta që ne do të prisnim në gjykatat perëndimore. Do të jetë me dyer të mbyllura. Do të jetë sekret”, tha ai më tej.

“Shkalla e lirimit nga burgjet e Rusisë është më pak se 1%. Nuk presim asnjë shans që ai të shpallet i pafajshëm”, përfundoi ai.

WSJ ka akuzuar Moskën për “burgosjen e amerikanëve” në burgjet ruse për t’u shkëmbyer me rusët e burgosur jashtë vendit.

LEXONI GJITHASHTU:

• Gjykata Europiane: Rusia bëri shumë shkelje të të drejtave të njeriut në Krime
• Mbi 20 të vrarë në jug të Rusisë, sulmohen kishat dhe policia