Turqia nuk ka marrë akoma asnjë vendim për masakrën e ISIS në Ankara

Asnjë vendim nuk u mor në seancën e mbajtur të mërkurën për rastin në lidhje me vdekjen e 103 personave në sulmin e kryer nga ISIS në sheshin e Stacionit të Trenit në Ankara më 10 tetor 2015.

Pritej një vendim për 10 nga 26 të pandehurit e çështjes, e cila nisi të dëgjohej në orët e mëngjesit në Gjykatën e 4-të të Krimeve të Lartë të Ankarasë. 16 persona që besohet se janë anëtarë të ISIS janë ende në arrati.

Seanca e radhës u shty për 1 korrik.

103 persona humbën jetën në dy sulme vetëvrasëse me bomba, tre sekonda nga njëra-tjetra, ndaj turmës së mbledhur për një tubim para stacionit të trenit në Ankara, dhe pas sulmit u shpall 3 ditë zie kombëtare.

ISIS konsiderohet një organizatë terroriste nga Kombet e Bashkuara (OKB), Bashkimi Evropian (BE), Turqia, Shtetet e Bashkuara (SHBA), Mbretëria e Bashkuar dhe shumë vende të tjera anëtare të OKB-së.

LEXO GJITHASHTU:

• Të huajt investuan 354 mln euro në Shqipëri, interes i shtuar nga turqit e italianët
• Pesë të vdekur nga zjarret masive në Turqi