I vuri flakën tokës së mbjellë me ullinj të 2 personave, vihet në pranga 61-vjeçari

Një 61-vjeçar është arrestuar në flagrancë pasi i vuri flakën një toke të mbjellë me ullinj e cila ishte në pronësi të dy personave të tjerë.

Ngjarja ka ndodhur në Gostimë të Cërrikut. 61-vjeçari akuzohet për për veprën penale “Shkatërrimi i pronës me zjarr”.

Njoftimi i policisë:

Në vijim të punës hetimore për identifikimin dhe kapjen e autorëve të zjarrvënieve, si dhe si rezultat i informacioneve dhe provave të siguruara nga Komisariati i Policisë Cërrik, u bë arrestimi në flagrancë i shtetasit V. P., 61 vjeç, banues në fshatin Gostimë. Ditën e djeshme, dyshohet se ky shtetas ka ndezur zjarr në tokën e tij, i cili i ka dalë jashtë kontrolli dhe si pasojë është djegur një sipërfaqe toke me 48 pemë ulliri, në pronësi të 2 shtetasve të tjerë.

Materialet procedurale i kaluan Prokurorisë së Elbasanit, për veprime të mëtejshme, për veprën penale “Shkatërrimi i pronës me zjarr”.

Drejtoria Vendore e Policisë Elbasan apelon për të gjithë banorët dhe në veçanti për ata që kanë në përdorim sipërfaqe kullotash që në asnjë rast të mos shkaktojnë zjarrvënie, pasi do të përballen me ligjin. Policia fton qytetarët që të denoncojnë në numrin 112, çdo rast të zjarrvënies dhe të paligjshmërisë në tërësi. Reagimi do të jetë i menjëhershëm dhe konform ligjit.

LEXONI GJITHASHTU:

• Dhunoi dhe tentoi të vriste ish-bashkëshorten, arrestohet shqiptari në Greqi (Emri)
• “Burrat rrinin, nuk erdhën në ndihmë”- Flet gruaja që shpëtoi 67-vjeçaren nga mbytja