“Me fat që e kam takuar”, Shehi: Kadare, letrari më i madh që ka njohur Shqipëria

Kryetari i Lëvizjes për Zhvillim Kombëtar, Dashamir Shehi, i ftuar këtë të hënë në Euronews Albania, u shpreh se Shqipëria humbi figurën më të rëndësishme letrare.

Ai shtoi se Kadare është një nga përpunuesit më të mëdhenj të gjuhës shqipe, sigurisht dhe si letrari më i madh që ka njohur Shqipëria.

Kadare ka dritëhijet e veta, tha Shehi ,por çdo personazh i madh bëhet objekt diskutimi.

“Është humbje e  madhe për kulturën, për gjuhësinë dhe për letërsinë shqiptare. Ai ishte njeriu intelektual, njeriu i kulturuar dhe njeriu gjuhëtar. Kadare është një nga përpunuesit më të mëdhenj të gjuhës shqipe, sigurisht dhe si letrari më i madh që ka njohur Shqipëria. Sigurisht që Kadare ka dritëhijet e veta, është një njeri që ka jetuar në shpinën e të dyja kohëve dhe ka jetuar si protagonist dhe çdokush mund të ketë mendimet e veta siç personazhet e mëdha bëhen objekt diskutimi. Madje unë e konsideroj si favor që unë kam pasur fatin që të takoj disa herë Kadarenë” tha Shehi.

Shehi vlerësoj dhe ndikimin e shkrimtarit në politikë.

“Kadareja kishte dhe një ndikim të madh ne politik. Kur iku ne 90 ishte një shkelm për politikën e asaj kohe. Jo vetëm për vendin, por dhe për politikën e jashtme, si na shihnin ata ne” tha ai.