Më pak shqiptarë, më shumë banesa| 356 mijë hyrje janë të pabanuara

Censi 2023 tregoi se në Shqipëri ka 420 mijë shqiptarë më pak, por ndërkohë është rritur numri i banesave.

Nga viti 2011, numri i banesave në Shqipëri është rritur me 75 mijë, këtu nuk bëjnë pjesë hyrjet që përdoren për biznese.

Të dhënat e INSTAT tregojnë se ka një rritje me 7.4% të numrit të banesave. Banesat private përbenin 47,0%, ndërsa 39,9% e tyre janë pallate. Një kategori e vogël e banesave janë banesa pjesërisht të veçuara (8,1 për qind) dhe shtëpi në rend tarracor (5,0 për qind).

Megjithatë, edhe pse kemi një rritje të numrit të banesave, surprizues është fakti që rreth 356 mijë banesa janë të pabanueshme.

Nga numri gjithsej i banesave të zakonshme, në momentin e censit rezultuan 726.325 (67,1%) banesa të banuara, duke vlerësuar 32,9% banesat e zakonshme të pabanuara.

Hyrjet në pallatet përbëjnë numrin më të lartë të tyre, me 40%. Ndër arsyet kryesore të këtij fenomeni është emigrimi.

LEXONI GJITHASHTU:

• Pikëpyetjet e censit, drejtoresha e INSTAT: Të dhënat u nxorën shpejt, asnjë gabim
• Të dhënat e Censit: Sa jetojnë mesatarisht shqiptarët