Fahri Balliu: Pas vrasjes së Mehmet Shehut, Nexhmija nisi disa sulme ndaj Kadaresë

Analisti dhe botuesi Fahri Balliu është shprehur se shkrimtari i ndierë, Ismail Kadare, ka qenë mbështetës për shkrimtarët e tjerë të goditur nga regjimi komunist i kohës.

Komentet Balliu i bëri në emisionin “Now me Erla Mëhillin” në Euronews Albania, ku tha se pas vdekjes së Mehmet Shehut, i cili ishte kryeministër në atë kohë, nisi një seri sulmesh kundër Kadaresë nga Enver Hoxha dhe Nexhmije Hoxha, e cila sipas tij, ishte edhe dirigjenti kryesor i tyre.

Ai tregoi se Nexhmija nuk linte asnjë vepër të tij letrare pa e kontrolluar, pasi sipas tij, ajo kishte një rrjet njerëzish që merreshin me këtë gjë dhe nxirrnin teza për të sulmuar Kadarenë.

“Ismaili ka pasur shokë e miq shumë të thellë. Thanasi është një nga njerëzit e goditur drejtpërdrejtë nga regjimi në pleniumin e 4 të partisë. Ismail Kadare pikërisht për këtë shkak ishte dhe mbeti mik i Thanasit në ato rrethana. Ky ishte një nga sjelljet e tij.

Ishte dhe një poet tjetër nga Gjirokastra që përsëri ishte goditur, edhe atë Ismaili e mbështeste. Periudha pas vrasjes së Mehmet Shehut në vitet 1081, ishte e zezë dhe dirigjenti i sulmeve kundër Kadaresë ka qenë Nexhmije Hoxha dhe Enver Hoxha.

Nexhmija veçanërisht nuk linte asnjë hap letrar të tij pa e lexuar. Kishte një grup silurësh kritikësh letrarë që ngiheshin dhe nxirrnin teza të ndryshme. Nexhmija që kishte edhe sektorin pas viteve 80-të, ajo ishte faktor shumë i madh për lidhjen dhe botën e shkrimtarëve”, tha Balliu.

LEXONI GJITHASHTU:

• EKSKLUZIVE/ Flet studenti rumun i Kadaresë: Modeli i jetës sime, ja vepra që veçoj
• “Kohë e pamjaftueshme”, mesazhi i ndjerë i vajzës së Ismail Kadaresë