Homazhet për Kadarenë, kush do jetë i pranishëm në ceremoninë te Kryeministria

Në ceremoninë shtetërore që do të organizohet nga Kryeministria për shkrimtarin e madh Ismail Kadare, do t’i drejtohen ftesa drejtueseve më të lartë të institucioneve në vend.

Kryeministri Edi Rama së bashku me bashkëshorten e tij Linda Rama, Presidenti Bajram Begaj me Zonjën e Parë, Kryetarja e Kuvendit Lindita Nikolla, ministra dhe drejtues institucionesh të larta, personalitete të kulturës dhe artit si dhe diplomatëve të akredituar në vendin tonë do të jenë të pranishëm në homazhet për nder të shkrimtarit të ndjere.

Gjithashtu, një ftesë do tu drejtohet deputetëve, kryetarëve të bashkive, perfektëve, përfaqësuesve të komuniteteteve fetare, përfaqësues të shtëpive botuese, anëtarëve të akademisë së shkencave.

Ismail Kadare ndërroi jetë mëngjesin e 1 korrikut në moshën 88-vjeçare.