Shfrytëzonin fëmijët e tyre për të lypur në plazh, procedohen 3 persona në Durrës

Tre persona janë proceduar penalisht në Durrës pasi shfrytëzonin fëmijët e tyre për të lypur.

Fëmijët u përkasin moshës nga 1-3 vjeç.

Materialet procedurale i kaluan Prokurorisë pranë Gjykatës së Shkallës së Parë të Juridiksionit të Përgjithshëm Durrës, për veprime të mëtejshme. Gjithashtu policia e Durrësit i bën thirrje prindërve të mos shfrytëzojnë fëmijët pasi ky veprim përveçse i dënueshëm , dëmton dhe shëndetin psiko-emocional të fëmijës.

Njoftimi i policisë:

Specialistët për Hetimin e Krimeve të Komisariatit të Policisë Durrës, gjatë patrullimeve të vazhdueshme, me qëllime garantimin e rendit dhe sigurisë publike, si dhe parandalimin dhe goditjen e paligjshmërive, kanë konstatuar se disa fëmijë shfrytëzoheshin nga prindërit e tyre, për të lypur në zonën e plazhit.

Për rastet e konstatuara, janë referuar materialet në Prokurori, ku ka nisur procedimi në gjendje të lirë, për veprën penale “Keqtrajtimi i të miturit”, për shtetasit S. Sh., A. S dhe H. S.

Materialet procedurale i kaluan Prokurorisë pranë Gjykatës së Shkallës së Parë të Juridiksionit të Përgjithshëm Durrës, për veprime të mëtejshme.

Policia e Durrësit apelon për prindërit dhe qytetarët që të mos shfrytëzojnë të miturit për veprimtari ekonomike të papërshtatshme me moshën e tyre, pasi përveç se përbën një paligjshmëri të dënueshme në Kodin Penal, ky veprim dëmton dhe shëndetin psiko-emocional të fëmijës.

LEXONI GJITHASHTU:

• Homazhe në muzeun “Kadare” në Gjirokastër, banorë e turistë lënë mesazhe
• Lideri autoritar bjellorus nënshkruan dekret për amnisti masive