Zjarr në mbeturina, rrezikohet banesa në lagjen e romëve në Gjirokastër

Djegia e mbetjeve urbane ka rrezikuar banesat në Lagjen e Romëve në Gjirokastër. Rreth orës 16.30 një grumbull mbeturinash është përfshirë nga zjarri në oborrin e një banese në këtë zonë të qytetit.

Të njoftuar nga banorët në vendngjarje mbërritën efektivët zjarrfikës. Zjarri ishte brenda rrethimit të banesës ku digjeshin barëra e mbeturina.

Zjarrfikësit ndërhynë për shuarjen e zjarrit dhe evitimin e rrezikut për banesën. Falë ndërhyrjes në kohë u bë izolimi i zjarrit ndërsa nuk pati dëme materiale. Policia po punon për zbardhjen e ngjarjes.

LEXONI GJITHASHTU:

• Zjarri në Dhërmi, helikopteri Cougar dhe efektivë të FA në ndihmë të zjarrfikësve
• Zjarr i madh në Radhimë, 4 zjarrfikëse në vendngjarje