Zgjedhjet në Himarë, avokati: KQZ i kaloi kompetencat me mandatin e Belerit, Rama…

Avokati Marash Logu ishte këtë të hënë i ftuar në “Now me Erla Mëhillin” në Euronews Albania ku tha se KQZ-ja veproi jashtë kompetencave të saj duke i hequr mandatin Fredi Beleri.

Ai tha gjithashtu se Presidenti duhet të kishte pritur që të kalonte afati i ankimimit në mënyrë që të nxirrte dekretin me datën e re të zgjedhjeve në Himarë.

“KQZ-ja veproi jashtë kompetencës që i njeh ligji për dekriminalizimin. Rasti kur një kryetari bashkie të zgjedhur apo një kryebashkiaku në detyrë i ndërpritet mandati për shkak se dënohet me një vendim të formës së prerë është Këshilli i Ministrave që vendos shkarkimin nga detyra të kryetarit të bashkisë. Nuk ishte në kompetencën e KQZ të merrte një rol që i takon qeverisë që ta kryente. Kryeministri nuk ka dashur të ekspozohet më shumë në këtë histori dhe ia la KQZ në derë.

Ligji e parashikon në mënyrë të qartë se kush është organi që vendos shkarkimin e një kryebashkiaku i dënuar me vendim të formës së prerë. Duhet të ishte Këshilli i Ministrave që do të njoftonte presidentin që në Bashkinë e Himarës ka një vakancë dhe Presidenti do duhej të priste të kalonte afati për ankimimin në Gjykatën Kushtetuese, se një kryetar bashkie ka 50 ditë për të ankimuar vendimin, e vetëm pas kësaj Presidenti mund të dalë me një dekret me datën e zgjedhjeve”,-tha Logu.

LEXONI GJITHASHTU:

• Helmimi masiv në Bulqizë, dalin rezultatet e analizave të ujit të pijshëm
• Zgjedhjet për Bashkinë e Himarës, ja kur do të nisë fushata