Karaburun| Helika e gomones godet pushuesin, 56-vjeçari me urgjencë në spital

Një 56-vjeçar nga Tirana ka mbetur i plagosur pasi është dëmtuar nga helika e një gomoneje në gadishullin e Karaburunit në Vlorë.

Përmes një njoftimi Policia bën të ditur se 56 vjeçari i dëmtuar, i cili kishte zbritur nga një anije turistike në afërsi të këtij moli, është transportuar për ndihmë mjekësore.

Mjeti lundrues është bllokuar nga shërbimet e Policisë Kufitare, ndërsa drejtuesi i mjetit është shoqëruar në Polici për veprime të mëtejshme, ndërkohë që hetimet për zbardhjen e plotë të ngjarjes po vijojnë.

Njoftimi i Policisë:

Vlorë/Informacion paraprak

Sot, në Karaburun, një mjet lundrues tip gomone, me drejtues shtetasin F. T., gjatë ankorimit në molin e vjetër të ish-ushtrisë në gjirin e “Shën Janit”, aksidentalisht me helikën e mjetit lundrues ka dëmtuar në këmbë shtetasin A. K., 56 vjeç, banues në Tiranë, i cili kishte zbritur nga një anije turistike në det afër këtij moli. (Nuk kemi të bëjmë me zonë plazhi).

56-vjeçari është transportuar për ndihmë mjekësore.

Mjeti lundrues është bllokuar nga shërbimet e Policisë Kufitare, ndërsa drejtuesi i mjetit është shoqëruar në Polici për veprime të mëtejshme.

Grupi hetimor i DVP Vlorë, nën drejtimin e Prokurorisë, po vijon veprimet për zbardhjen e plotë të rrethanave të rastit.

LEXONI GJITHASHTU:

• Gjobitet me 100 mijë lekë drejtuesi i gomones në Dhërmi, rrezikoi jetën e pushuesve
• Përplasi me gomone 7-vjeçaren në Himarë, ish-polici dënohet me 18 vite burg