Tre të vdekur nga të shtënat në Alabama, mes tyre një fëmijë

Tre persona, duke përfshirë një fëmijë të vogël, u vranë kur persona të panjohur qëlluan disa herë me armë zjarri në makinën me të cilën po udhëtonin, raportuan sot mediat lokale.

Departamenti i Policisë së Birminghamit në Alabama njoftoi në mediat sociale se një hetim për një vrasje të trefishtë në Rrugën 27 në veri të qytetit është duke u zhvilluar, raporton AP.

Në njoftimin për shtyp thuhet se oficerët e policisë iu përgjigjën një raportimi për një aksident trafiku në vendin e të shtënave rreth orës 17:20 me orën lokale, njoftoi TV lokal VBRC.

Një burrë, një grua dhe një fëmijë i vogël në makinë kanë pësuar plagë me armë zjarri, ndërsa shërbimet e urgjencës kanë deklaruar se të gjithë kanë ndërruar jetë në vend.

LEXONI GJITHASHTU:

• Kandidati shqiptar për Senator në SHBA: Republikanët do marrin numër rekord votash
• Të shtëna në SHBA, vriten 3 anëtarë të një familjeje, disa të plagosur