Aksident në Greqi, plagoset rëndë 42-vjeçari shiqptar

Një aksident i rëndë raportohet të ketë ndodhur në pasditen e djeshme në Mesohori të Komunës Arhana Asterousia në Kretë, Greqi, ku i plagosur rëndë ka mbetur një 42-vjeçar shqiptar.

Sipas mediave greke, bëhet me dije se 42-vjeçari ndodhet i shtruar në gjendje kritike për jetën në spitalin “PAGNI” të Kretës.

Sipas informacioneve të para, mjeti bujqësor i drejtuar nga 42-vjeçari ka dalë nga rruga në rrethana ende të panjohura dhe është përplasur me një pemë ulliri.

Nga përplasja ka mbetur i plagosur rëndë drejtuesi i mjetit, që ishte pikërisht 42-vjeçari. Menjëherë në vendngjarje ka mbërritur autoambulanca e EKAV, e cila ka marrë të plagosurin dhe e ka dërguar në “PAGNI”, ku po trajtohet.

LEXONI GJITHASHTU:

• Aksident| Përplasen dy makina në Korçë, plagoset një i moshuar
• Aksident në Shkodër| Shoferja humb kontrollin e makinës, përplas një 14-vjeçare