Komisioni Antikorrupsion| Dumani: Çdo reformë të respektojë ndarjen e pushteteve

Ditën e sotme në seancën plenare të Kuvendit të Shqipërisë, kanë raportuar për punën e tyre gjatë vitit 2023 drejtuesit e lartë të institucioneve të drejtësisë në vend.

Gjatë fjalës së tij, drejtuesi i SPAK, Altin Dumani, ka folur edhe me ngritjen e Komisionit Antikorrupsion në Kuvendin e Shqipërisë, i cili parashikon thellimin e reformave kundër korrupsionit.

Dumani tha se çdo reformë duhet të respektojë ndarjen e pushteteve, pasi opozita ka akuzuar se ky komision ka për qëllim kapjen e drejtësisë.

“Çdo reformë të respektojë ndarjen dhe balancimin e pushteteve”, tha Dumani.

Ai foli gjithashtu edhe për rënien e kallëzimeve nga agjencitë shtetërore në SPAK.

Sipas Dumanit, SPAK nuk bën dot asgjë vetë, por sipas tij, të gjitha institucionet duhet të bashkëpunojnë me njëri-tjetrin.

“Ne s’bëjmë dot asgjë vetëm. Beteja e përditshme. Sado të specializuar të jemi, të vetëm nuk e bëjmë dot. Duhet të bashkëpunojnë institucionet. Ne i marrim seriozosht kallëzimet”, tha Dumani.

LEXONI GJITHASHTU:

• A ke marrë mesazh nga Rama? Bardhi pyet Dumanin, si përgjigjet kreu i SPAK
• Nga mikrokreditë te Meta dhe inceneratorët, Dumani flet për dosjet e nxehta