Shtohen turistët në Vlorë, vizitorët besnikë vijnë nga Kosova

Pas një fillim sezoni turistik të dobët, Vlora duket se po ndryshon kah sa i përket pritjes së vizitorëve nga të gjithë trevat shqiptare.

Pas 15 korrikut, kanë nisur ardhja e turistëve nga Kosova, të cilët mbeten besnikë të bregdetit shqiptar.

“Jemi nga Kosova, Vlora na pëlqen, është pastërti e madhe në Vlorë, ndaj kemi ardhur. Kam qenë 3 vjet në Shëngjin dhe në Ulqin, ama Vlora më pëlqen edhe vetëm në Vlorë vij”, thotë një pushues.

“Jam nga Gjermania, vij prej Kosove nga Drenica, kam dëgjuar se është shumë mirë, po më pëlqen, sot kemi ardhur këtu, do rrimë 6 ditë, uji është shumë i pastër, lokacioni dhe qyteti shumë i bukur është”, shprehet një tjetër.

Mesi i korrikut ka mbushur plazhet e Vlorës edhe me pushues vendas. Të gjithë vlerësojnë atë që natyra i ka falur Vlorës.

Tashmë rrugët e qytetit bregdetar janë mbushur nga pushues me kombësi të ndryshme nga e mbarë bota, duke bërë që dallimi mes fluksit të fundjavës dhe ditëve të javës të mos ndihet në plazhet e Vlorës.

LEXONI GJITHASHTU:

• Çmimet e larta, Rama porosi kryebashkiakëve në Vlorë e Sarandë: Absurde! Flisni me…
• Parashutisti nga Fieri: Zgjodha të jetoj në Vlorë sepse aty hidhem nga lartësitë