Gjiknuri: Nuk kemi vullnet për qeveri teknike

Deputeti i Partisë Socialiste, Damian Gjiknuri ka rrëzuar kërkesën e opozitës për të krijuar një qeveri tekniike, si një mekanizëm për t’i dhënë garanci asaj një vit para zgjedhjeve.

“Nga doli kjo qeveria teknike? E bëmë në vitin 2017, u bë një qeveri që ju dha shumë pushtet dhe u provua që humbësi prapë e humbi votën. Ne nuk kemi vullnet për qeveri teknike.”-deklaroi ai në Euronews Now.

Në vazhdim të kësaj, Gjiknuri u shpreh se zgjedhjet e lira, si garanci për opozitën do të jenë të organizuara vetëm nga institucionet zgjedhore.

Mandej solli në vëmendje dispozitën që ka ardhur si kërkesë e opozitës, ku janë bërë disa kufizime për qeverinë, ku sipas tij 4 muaj para zgjedhjeve qeveria është e bllokuar në shumë vendimmarrje.

LEXONI GJITHASHTU:

• Gjiknuri nxjerr live dokumentin: Çfarë më ka ardhur për votën e diasporës
• Gjiknuri: Ku nuk pajtohem me Gaz Bardhin dhe pse nuk përsëritet 2020-a