Audi përplaset me Benzin dhe makinat e parkuara, pamje nga aksidenti masiv në Lezhë

Një aksident i rëndë, fatmirësisht pa pasoja fatale për jetën, ka ndodhur mbrëmjen e së enjtes në aksin rrugor Lezhë- Milot.

Policia tha se aksidenti ndodhi rreth orës 22:05, ku  automjeti tip “Audi”,  me drejtues shtetasin E. Gj., është përplasur me automjet tip “Mercedes”, me drejtues shtetasin L. L, dhe me disa automjete të cilat ndodheshin të parkuara pranë një restoranti.

Nga përplasja e automjeteve është dëmtuar lehtë pasagjeri që ndodhej në automjetin tip “Mercedes”, shtetasi M. L., i cili ndodhet në spital, në kujdesin e mjekëve, jashtë rrezikut për jetën.

Grupi hetimor ndodhet në vendngjarje dhe po punon për sqarimin e rrethanave të aksidentit.

LEXONI GJITHSHTU:

• Aksident me Jet Ski në Dhërmi, transportohet me urgjencë për në spital 33-vjeçari
• Ishte duke u larë në lumin Drin, mbytet aksidentalisht 13-vjeçari