Qirinj kundër të ftohtit, prodhuesit e verës në Chablis përpiqen të mbrojnë të korrat nga temperaturat e ulëta

Jashtë Chablis (Shabli), e njohur në botë për verën e bardhë me shije frutore, mund të shohësh një shkëlqim në ngjyrë portokalli.

Por kjo pamje magjike fsheh një situatë të errët për prodhuesit e verës në disa rajone të Francës: temperaturat e ulëta mund të dëmtojnë seriozisht të korrat e tyre.

Ata kanë ndezur qirinj për të mbrojtur vreshtat e tyre nga ngricat e pranverës, ndërsa parashikohen më shumë net të ftohta këtë javë.

Temperaturat kanë zbritur deri në -5°C përgjatë natës edhe në rajone të tjera si Burgundy (Burgonjë) dhe Bordeaux (Bordo).

Edhe pse është ende herët për të vlerësuar dëmet, prodhuesit thonë se kjo është e pashmangshme.

Episodet e befta të të ftohtit këtë vit kanë ndodhur më herët, që do të thotë se rënia e temperaturave mund të jetë edhe më e madhe.

Në prillin e 2017, një valë e të ftohtit dëmtoi vreshtat, duke bërë që prodhimi vjetor i verës franceze të binte në pikën më të ulët në histori.