Zjarr në një mobileri në Vlorë, flakët rrezikojnë banorët e pallatit e dyqanet pranë

Një zjarr i përmasave të mëdha përfshiu paraditen e sotme një mobileri në Vlorë, duke shkaktuar dëme të mëdha brenda saj.

Sipas burimeve për Euronews Albania, bëhet me dije se nga flakët u rrezikuan dhe banorët e pallatit dhe dyqanet pranë mobilerisë, si dhe u dogj fasada e pallatit.

Në vendngjarje mbërritën forcat zjarrfikëse dhe forcat e Policisë, të cilët bënë të mundur evakuimin e banoreve dhe neutralizimin e flakëve të përhapura.

Fatmiresisht nuk ka dëme në njerëz, ndërkohë që në vendngjarje ka mbërritur grupi hetimor, i cili do të hetojë shkaqet e zjarrit.

LEXONI GJITHASHTU:

• Zjarri përfshin malin e Sopotit, 30 vullnetarë në mbështetje të zjarrfikësve
• Përfshihet nga zjarri sipërfaqja pyjore në Maliq