NATO gjen mangësi të mëdha në mbrojtjen ushtarake të Evropës

Lufta në Ukrainë dhe zgjedhjet presidenciale të SHBA-së dominuan një samit të NATO-s në Uashington këtë muaj, por, larg skenës publike, planifikuesit ushtarakë të aleancës janë fokusuar në vlerësimin e kostos së madhe së Evropës për ushtrinë.

Udhëheqësit e NATO-s ranë dakord për planet vitin e kaluar për rinovimin më të madh në tre dekada të aftësive të saj mbrojtëse, mes frikës në rritje të agresionit rus.

Mirëpo në kushte anonimati zyrtarët kanë thënë për Reuters se që nga ajo kohë po shqyrtojnë kërkesat minimale të mbrojtjes për të arritur ato plane, të cilat iu dërguan qeverive kombëtare javët e fundit, sipas një planifikuesi ushtarak, i cili foli në kushte anonimiteti.

Kërkesat minimale detajojnë mangësitë në ushtritë e NATO-s në fushat kryesore si në mbrojtjen ajrore dhe raketa me rreze të gjatë, numrin e trupave, municionet dhe mungesën e komunikimeve të sigurta dixhitale në fushën e betejës, treguan bisedat me zyrtarët e NATO-s.

Gjetjet tregojnë se NATO përballet me një vonesë për të arritur qëllimet e saj në një kohë kur uniteti i saj mund të testohet nga kufizimet buxhetore midis anëtarëve të lartë evropianë dhe dallimet rreth asaj se sa i ashpër duhet të jetë qëndrimi i saj ndaj Rusisë.

Më e rëndësishmja, zgjedhjet presidenciale të këtij viti në SHBA kanë ngritur spektrin se fuqia kryesore e NATO-s mund të udhëhiqet nga një njeri kritik ndaj aleancës – ish-presidenti Donald Trump – i cili ka akuzuar partnerët evropianë se kanë përfituar nga mbështetja ushtarake e SHBA.

Në samitin e Uashingtonit të 9-11 korrikut, disa politikëbërës evropianë pranuan publikisht se, pavarësisht se kush do të fitojë zgjedhjet e nëntorit, kontinentit do t’i duhet të rrisë shpenzimet e tij ushtarake.

LEXONI GJITHASHTU:

• “Ka tradhtuar Romën pasi…”- Italia akuza NATO: Vendimi i Stontelberg një “fyerje”
• NATO emëron përfaqësuesin e saj në Ukrainë