“Rrihni çdo polic që…”- Procedohet penalisht avokati i Berishës, Genc Gjokutaj

Genc Gjokutaj, avokati i kreut të Partisë Demokratike, Sali Berisha, është proceduar penalisht nga policia e Tiranës.

Sipas bluve të kryeqytetit, Gjokutaj, akuzohet për veprën penale “Thirrje publike për veprime të dhunshme“.

Shkak për këtë sipas policisë është bërë një postim në rrjetin social “facebook”, ku Gjokutaj i bën thyrje qytetarëve që “të thyejnë sportelet që nuk japin shërbime, të rrahin policët që mbrojnë hajdutët dhe të “vrasin” patronazhistët që u vjedhin të ardhmen”.

Materialet në ngarkim të Gjoikutaj i kaluan Prokurorisë për veprime të mëtejshme.

“Specialistët e Sektorit për Hetimin e Krimeve Kibernetike në DVP Tiranë, kanë referuar materialet në Prokurorinë pranë Gjykatës së Shkallës së Parë të Juridiksionit të Përgjithshëm Tiranë, në ngarkim të shtetasit G .Gj., me profesion avokat, për veprën penale “Thirrjet publike për veprime të dhunshme“, parashikuar nga neni 223 i Kodit Penal.

Procedimi ndaj këtij shtetasi filloi pasi gjatë monitorimit të vazhdueshëm të burimeve të hapura të informacionit nga ana e Sektorit për Hetimin e Krimeve Kibernetike, është konstatuar një postim, i publikuar nga shtetasi G. Gj., i cili bën thirrje për të kryer veprime të dhunshme, postim ky i cili konstatohet se është publikuar dhe në media të ndryshme online”, thuhet në njoftimin e policisë.

Postimi i Gjokutaj:

LEXONI GJITHASHTU:

• U procedua penalisht për thirrjet për dhunë në facebook, reagon Genc Gjokutaj
• Gjokutaj probleme shëndetësore, avokatja e Belerit përfaqëson Berishën në GJKKO