Sulm me thikë në Britaninë e Madhe, raportohet për 8 të plagosur

Të paktën 8 persona kanë mbetur të plagosur si pasojë e një sulmi me armë të ftohtë të ndodhur në qytetin anglez Southport, në veri të Liverpulit.

Agjentët e policisë kanë ndërhyrë në vendin e ngjarjes, ku kanë arrestuar të dyshuarin dhe kanë ndihmuar të lënduarit të transportohen në spital.

Sipas dëshmive të para të mbledhura nga BBC, i dyshuari vraponte në rrugët e qytetit dhe godiste me thikë këdo që i dilte përpara.

Pasi i kanë vënë prangat, agjentët kanë sekuestruar edhe armën e përdorur, një thikë e përmasave të mëdha. M pas autoritetet kanë deklaruar se publikut nuk i kanoset më asnjë rrezik.