Përshkallëzohet situata e zjarreve në fshatin Bode, kërkohet ndërhyrje edhe nga ajri

Flakët në pyllin e Bodes, në Maliq janë përshkallëzuar edhe më shumë që prej ditës së djeshme.

Në kushte të tilla punojësit e shërbimit zjarrfikës së bashku me dy mjetet e tyre kanë qenë të detyruar të largohen nga vatrat e mëdha të zjarrit, pasi rrezikohej jeta e tyre.

Për momentin punonjësit e zjarrfikëses janë duke  bërë krijimin e korridoreve për mos lejimin e zjarrit për hapjen e flakëve në sipërfaqet e tjera me pishe dhe ah.

Gjithashu bëhet me dije se por kërkohet ndihma edhe nga shërbimet e tjera zjarrfikëse të qarkut të Korçës e mbi të gjitha ndërhyrja përmes ajrit.

Terreni i thyer malor dhe mungesa e rrugëve janë bërë pengesë që punojësit e shërbimit zjarrfikës së bashku me mjete të tjera të shkojnë aty ku vatrat janë më aktive.

Burime zyrtare pranë bashkisë së Maliqit bëjnë me dije se është bërë kërkesë pranë emergjencave civile për dërgimin e helikopterëve për shuarjen e flakëve.

LEXONI GJITHASHTU:

• Maliq| Zjarrvënie e qëllimshme në fshatin Bode, flakët përfshijnë sipërfaqe pyjesh
• Zjarret dalin jashtë kontrollit në Shëngjin! Rrezikohen resortet, banorët evakuohen