Qafë-Thana rekord kalimesh, në 15 ditët e fundit kanë hyrë rreth 80 mijë qytetarë

Vetëm gjatë 15 ditëve të fundit në doganën e Qafë Thanës kanë hyrë më shumë se 80 mijë shtetas shqiptar.

Sipas autoriteteve fluksi i kalimeve është gati 2-fish krahasuar me një vit më parë.

Pika e Kalimit kufitar të Qafë Thanës rezulton zona kufitare me hyrje-daljet më të mëdha nga fillimi i vitit.

Sipas burimeve doganore nëse në 6 mujorin e parë të 2023 në këtë pikë kalimi kufitar hynë dhe dolën rreth 600 mijë mijë shtetas, e njëjta periudhë e 2024 i ka kaluar tashmë 1 milionë hyrje dalje.

Fluksi më i madh mbeten 3 muajt e verës, ku mesatarja ditore e hyrjeve në këtë pikë kalimi është mbi 4500 shtetas pjesa më e madhe e tyre turistë dhe pushues nga Maqedonia e Veriut por edhe vendet e Europës Lindore. Edhe këtë verë shumica e maqedonasve por edhe shqiptarëve të maqedonisë zgjedhin bregdetin shqiptar.

Sigurisht që në ditë me fluks ka edhe vonesa, pavarësisht se 3 muajt e verës punohet me 4 sportele. Vonesa që shkojnë nga 30 min deri në 1 orë.

Ndërkohë policia kufitare konfirmon se në rastet e radhëve të gjata është gjetur gjuha e përbashkët me palën maqedonase dhe procedohet me sistem të përshpejtuar pa kontrolle të gjata. Vetë në 15 ditët e fundit sipas shifrave  në këtë pikë kalimi kufitare kanë hyrë gati 85 mijë shtetas ndërsa kanë dalë rreth 80 mijë të tillë.

LEXONI GJITHASHTU:

• Rama ndan pamjet: Hapet një segment i aksit rrugor Elbasan-Qafë Thanë (VIDEO)
• Balluku inspekton kantierin e lotit 4, të aksit rrugor Elbasan-Qafë Thanë