“Rikthimi i dallëndyshes”, Ermonela Jaho dhuron emocione të paharrueshme në Tiranë

Është mbajtur mbrëmjen e të dielës në TKOB, koncerti lirik i sopranos së mirënjohur shqiptare, Ermonela Jaho, me praninë edhe të tenorit Charles Castronovo.

I titulluar “Rikthimi i dallëndyshes”, koncerti i Ermonela Jahos përçoi magjinë e emocioneve të forta tek të pranishmit në sallë.

Sopranoja me famë ndërkombëtare, e kishte vlerësuar këtë koncert si një rikthim për t’i dhënë kësaj skene sadopak nga dashuria dhe mirënjohja që i ka dhënë ky vend dhe çdo zemër shqiptare.

Në pritje të fillimit të koncertit, në shkallet e TKOB u krijua radhë e gjatë njerëzish, ndërsa biletat u shitën në kohë rekord.

Për ata që nuk mundën të ishin të pranishëm brenda TKOB-së, patën mundësinë që të ndjekin koncertin magjik në sheshin Skënderbe.

LEXONI GJITHASHTU:

• Ermonela Jaho rikthehet në atdhe, koncert më 4 gusht në tiranë
• Koncert madhështor në Amfiteatër! Gëzim Myshketa rikthehet në qytetin e lindjes