Strakosha bën xhiron e mediave të botës, pëson gol nga porta në portë

Portieri i Shqipërisë , Thomas Strakosha duket se nuk e ka nisur me këmbën e mbarë eksperiencën e tij në ekipin grek AEK.

E marta mbrëma në ndeshjen e Konferencës së Ligës kundër skuadrës armene Noah, nuk qe shumë e favorshme për portierin shqiptar.

Një video ku duket se portieri kundërshtar Ognjen Çançarevic ka gjuajtur gol nga porta e tij drejt Strakoshës, ka bërë xhiron e rrjetit.

Kësaj gafe në minutën e 67-të, i ka paraprirë një gabim tjetër nga portieri shqiptar në minutën e 34-të, ku Strakosha nuk arriti të largonte siç duhej topin.

Goditja e topit dhe dërgesa e tij drejt te kundërshtari, Virgile Pinson, ishte fatale pasi ky i fundit mundi të shënonte.

LEXONI GJITHASHTU:

• Strakosha në orbitën e Bayern, 28-vjeçari shihet si zëvendësues i portierit Neuer
• ‘Po s’nxore hiret në TV nuk ekziston’, Strakosha: Pronarët kërkojnë të bësh botoks