Strakosha në orbitën e Bayern, 28-vjeçari shihet si zëvendësues i portierit Neuer

Thomas Strakosha mund të jetë portieri më i ri i Bayern Munchen në Bundesligë, teksa do të zëvendësonte kështu Manuel Neuer, i cili është pjesë e skuadrës prej vitit 2011.

Kanë qenë mediat gjermane, e konkretisht sky Deutchaland ajo e cila ka bërë me dije se 28-vjecari është në orbitën e rekordmenëve të Gjermanisë, pavarësisht se po kalon një periudhë negative në karrierën e tij.

Në vitin 2022, Strakosha u transferua tek Brentford në Premier Leaguen angleze, ndërsa ka luajtur vetëm 2 ndeshje gjithë vitin.

Në anën tjetër situata tek Bayern është e paqartë për faktin se Neuer vijon të jetë i dëmtuar prej disa muajsh, ndërsa Yann Sommer është pranë largimit nga kampionati gjerman me destinacion Interin në Itali.

Në këtë pikë, drejtuesit janë të detyruar të gjejnë portierë për sezonin e ri futbollistik, ndërsa emrat e qarkulluar janë ata të Strakoshës, Mamardashvilit dhe dhe kroatit Dominik Kotarski.

Ky i  fundit aktivizohet në superligën greke, ndërsa ka zhvilluar një sezon pozitiv, e shihet si portieri is ë ardhmes në kombëtaren ballkanase. Vlera e lartë e gjeorgjianit Mamardashvili mund të bëjë që drejtuesit gjermanë të vendosin për transferimin e një mes Kotarskit e Strakoshës, ndërsa gjithcka mbetet për tu parë.

LEXONI GJITHASHTU 

• Ambasadorët e rinj në komision, Genc Pecani në Rusi dhe Oljan Kanushi në Slloveni
• “Gërdeci“, avokati i Mediut: S’kemi besim te gjykimi i shkurtuar, do sjellim prova