Vazhdon fluksi në Kakavijë, lëvizin 7 mijë persona në 24 orë

Në këtë fillimgushti në doganën e Kakavijës vazhdon fluksi i lëvizjes në të dyja anët e kufirit me Greqinë.

Sipas Policisë Kufitare në Gjirokastër, gjatë ditës së enjte shërbimet e SPK Kakavijë kanë përpunuar 7044 shtetas në hyrje-dalje, nga të cilët 4329 në hyrje dhe  2715 në dalje, si dhe 2293 mjete në hyrje – dalje, nga të cilat  1320  në hyrje dhe 973 në dalje.

Pjesa më e madhe janë bashkatdhetarët tanë që kthehen nga Greqia për pushime në vendlindje. Pjesë e fluksit të lëvizjes në kufi janë edhe shtetasit shqiptarë që udhëtojnë në drejtim të Greqisë për pushime si dhe turistë nga vende të ndryshme.

Falë masave të mara nga Policia Kufitare në Kakavije si dhe pala greke në sportelet e dokumenteve nuk janë regjistruar radhë pritje. Fluksi i lëvizjes në doganën e Kakavijës pritet të vazhdojë gjatë gjithë muajit gusht. Lëvizje të shtuara të këmbësorëve dhe automjeteve gjatë këtyre ditëve gushti po regjistrohen edhe në doganën e Tri Urave, Përmet.

LEXONI GJITHASHTU:

• Kakavijë| Fundjava rrit fluksin në kufirin me Greqinë, lëvizin 15 mijë persona
• Vazhdon fluksi në Kakavijë, 30 mijë persona hynë dhe dolën në një javë