Disa ditë në “luftë” me flakët, zjarri depërton brenda Parkut Kombëtar të Prespës

Paraditen e sotme vatrat e zjarrit kanë depërtuar brenda parkut kombëtar të Prespës me gjithë përpjekjet e forcave të shumta për të mos lejuar një gjë të tillë.

Moslejimi i kalimit të flakëve në parkun kombëtar të Prespës në pyllin me ah ka qenë e pamundur me gjithë përpjekjet e një dite me pare me ndërhyrjen nga ajri dhe luftën me mjete rrethanore të punonjësve të shërbimit zjarrfikës, ushtrisë, zonave të mbrojtura dhe bashkisë Pustec.

Tejet e vështirë ka qenë situata edhe për shkak të mungesës së rrugëve duke mos lejuar mjetet e shërbimit zjarrfikës aty ku vatrat e zjarrit kanë qenë më të shumta por ende me tej situata është e vështirë pasi në atë lartësi mungojnë burimet ujore duke bërë që shërbimet zjarrfikëse të furnizojnë pompat e krahut në largësi të mëdha, aty ku transport bëhet me kafshë pune.

Ditën e sotme për shkak të angazhimeve të mëdha në anën maqedonase dy helikopterët e vendit fqinj nuk janë parë në zonën me vatra të shumta zjarri në parkun kombëtar të Prespës.

Zjarri ditën e sotme ka marrë përmasa shumë të mëdha, duke krijuar vatra të reja e duke e rrezikuar në maksimum pyllëzimin qindra vjeçar në zonën e Goricës së Madhe

LEXONI GJITHASHTU:

• Preu pemë dhe i vuri zjarrin pyllit në Zall Bastar, arrestohet 28-vjeçari
• Zjarr i përmasave të mëdha në Finiq, flakët rrezikojnë edhe banesat