E dërguara e SHBA takon ministrin Hasani: Avancim i interesave të ndërsjella

E ngarkuara me punë e Shteteve të Bashkuara të Amerikës në Tiranë Nancy VanHorn zhvilloi një takim me ministrin e Jashtëm, Igli Hasani.

Në një njoftim të ambasadës amerikane thuhet se VanHorn shprehu mirënjohjen në emër të Qeverisë së SHBA për mbështetjen e palëkundur të Shqipërisë në nismat rajonale të sigurisë dhe rikonfirmoi partneritetin e fortë midis Shteteve të Bashkuara dhe Shqipërisë.

“E ngarkuara me punë Nancy VanHorn u takua me Ministrin për Evropën dhe Punët e Jashtme Igli Hasani sot për të diskutuar për avancimin e interesave të ndërsjella dhe zgjerimin e bashkëpunimit dypalësh. Znj. VanHorn shprehu mirënjohjen në emër të Qeverisë së SHBA për mbështetjen e palëkundur të Shqipërisë në nismat rajonale të sigurisë dhe rikonfirmoi partneritetin e fortë midis Shteteve të Bashkuara dhe Shqipërisë”, thuhet në njoftimin e ambasadës.

LEXONI GJITHASHTU:

• DASH publikon videon e 75 vjetorit të NATO-s, Hasani i vetmi protagonist nga rajoni
• Hasani paraqet në Kuvend detaje për ‘Traktatin e Miqësisë Shqipëri-Ukrainë’