E qëlloi disa herë, detaje nga plagosja në Tiranë: Autori pjesë e policisë

Një ngjarje e rëndë ka ndodhur në Komunën e Parisit në Tiranë, këtë të hënë ku Lorenc Kosta 45 vjeç, është qëlluar disa herë me armë nga Erjon Goxhara. Ky i fundit sipas informacioneve është efektiv i forcave të policisë dhe dyshohet të ketë përdorur armën e shërbimit për të plagosur 45-vjeçarin.

Gazetari i Eruonews Albania, Eni Ferhati ka raportuar nga vendngjarja ku ka dhënë disa detaje nga ngjarja e rëndë.

“Ka dyshime që ne këtë ngjarje të jetë përfshirë një punonjës policie, i cili ka qenë jashtë shërbimit. Personi i plagosur ka marrë disa plagë me armë zjarri. Autori i dyshuar, Erjon Goxhara, është pjesë e forcave Shqiponja në kryeqytet. Ai është larguar nga vendngjarja me një automjet tip autostradë tip “Mitsubish”. Thuhet se ngjarja ka ndodhur për motive të dobëta”,-tha gazetari Ferhati.

Lorenc Kosta ndodhet në spitalin e Traumës në Tiranë ku po merr ndihmën e nevojshme, ndërsa gjendja e tij paraqitet e rënduar.

Ndërkohë autori i plagosjes, i cili kohët e fundit ka shërbyer në rradhët e policisë së kufirit është në kërkim.

Njoftimi i policisë:

Më datë 19.08.2024, rreth orës 14:07, në afërsi të një marketi te rrethrrotullimi i Komunës së Parisit, dyshohet se për motive të dobëta, shtetasi E. G., (punonjës Policie) ka plagosur me armë zjarri shtetasin L. K., 45 vjeç, i cili ndodhet në spital, në kujdesin e mjekëve.

Grupi hetimor ndodhet në vendngjarje dhe nën drejtimin e Prokurorisë po punon për kapjen e autorit të dyshuar dhe sqarimin e rrethanave të ngjarjes.

LEXONI GJITHASHTU:

• Të shtëna me armë zjarri në zonën e Komunës së Parisit në Tiranë
• Plagosje me armë zjarri në Tale të Lezhës, shkak konflikti për motive xhelozie