Prisnin pyjet dhe prodhonin qymyr druri, procedohen penalisht dy persona në Lurë

Shtetasit Luftar Kaçorri , 54 vjeç, banues në Tiranë, dhe shtetasi Bujar Doriçi, 53 vjeç, banues në Lurë janë proceduar penalisht kërtë të enjte nga policia e Dibrës pasi kanë prerë disa pemë me qëllim përfitimi.

Efektivët e policisë kanë konstatuar në “Krej-Lurë”, 15m³ lëndë drusore, si dhe disa gropa të mbushura me dru zjarri, ku më pas i ndiznin për prodhimin e qymyrit të drurit.

Policia ka sekuestruar lëndën drusore dhe sasinë e madhe të qymyrit, si dhe ka referuar në prokurori materialet për veprime të mëtejshme.

“Strukturat e Hetimit të Krimit të Drejtorisë Vendore të Policisë Dibër në bashkëpunim me Komisariatin e Policisë Dibër, në vijim të kontrollit të territorit për parandalimin, evidentimin dhe goditjen e çdo paligjshmërie kanë intensifikuar kontrollet dhe si rezultat në vendin e quajtur “Krej-Lurë”, kanë konstatuar të grumbulluara 15m³ lëndë drusore, si dhe disa gropa të mbushura me dru zjarri, ku më pas i ndiznin për prodhimin e qymyrit të drurit.

Nga hetimet e kryera ka rezultuar se ky aktivitet i paligjshëm kryhej nga shtetasi Luftar Kaçorri , 54 vjeç, banues në Tiranë, dhe shtetasi Bujar Doriçi, 53 vjeç, banues në Lurë. Për këto dy shtetas u referuan materialet në Prokurori dhe nisi procedimi penal për veprat penale “Prerja e paligjshme e pyjeve”, “Fshehja e të ardhurave”.

Po në vijim të veprimeve hetimore nisi procedimi penal për veprën penale “Shpërdorimi i detyrës”, për shtetasin F.B., me detyrë specialist pyjesh në zonën e Krej-Lurës.

Në cilësinë e provës materiale janë sekuestruar 15m³ lëndë drusore dhe sasi të mëdha qymyri”, thuhet në njoftimin e policisë.

LEXONI GJITHASHTU:

• VIDEO| Plagosja te Komuna e Parisit, efektivi i afrohet e qëllon dhe i bën foto
• “Ka ndodhur vetëm njëherë”- Takimi i Goxharës me gruan pak përpara plagosjes