Siguria në plazhe| Bllokohen 35 mjete lundruese, gjobiten drejtuesit e mjeteve

Policia Kufitare dhe Njësia Policore Detare bëjnë me dije se gjatë javës që lamë pas kanë bllokuar 35 mjete lundruese.

Operacioni është zhvilluar nga këto dy njësi, nga Ksamili në Koman, përgjatë gjithë vijës bregdetare, hapësirave liqenore dhe atyre lumore.

Mjetet e bllokuara janë 20 jet ski, 8 skafe, 5 gomone dhe 2 varka metalike, një pjesë e të cilave nuk ishin të pajisura me dokumentacionin përkatës.

Nga ana tjetër, bëhet me dije se kishte dhe nga ata drejtues që kanë shkelur perimetrin e sigurisë, duke rrezikuar jetën e pushuesve.

Policia ka ndëshkuar drejtuesit e këtyre mjeteve, secili me masë administrative prej 100,000 lekësh të rinj.

LEXONI GJITHASHTU:

• “Siguria detare”, 32 mjete lundruese të bllokuara nga Ksamili në Koman
• Siguria portuale, certifikohet personeli i Autoritetit Portual Durrës